BKT Kosova Mobile

BKT Mobile është një aplikacion i shpejtë dhe i sigurt për shërbimet bankare në Kosovë për klientët e individëve, kudo dhe në çdo kohë në Smartphone-in tuaj, pa nevojë të shkoni në degët e BKT dhe të keni një kompjuter. Aplikacioni BKT Mobile është i suportuar nga sistemet operative iOS dhe Android. Sistemi i Software-it 4.0 është ai që ofron paketën e plotë të këtij aplikacioni. Në rastet kur versionet e software-it janë më të vjetra se 4.0, BKT nuk mund të garantojë një akses të plotë në aplikacion. Aksesimi në BKT Mobile është i mundur përmes një lidhjeje interneti, të ofruar nga çdo operator telefonik ose Wi-Fi. Për të hyrë në BKT Mobile, mund të përdorni të njëjtin numër klienti/fjalëkalim që përdorni për të hyrë në E-banking për Individë. Gjithashtu, si klient i ri keni mundësinë të regjistroheni në BKT Mobile për herë të parë duke vendosur numrin tuaj të klientit dhe të dhënat e kartës tuaj të debitit/kreditit (4 shifrat e fundit të kartës dhe PIN-in). BKT Mobile ofron mundësinë për të gjetur vendndodhjen e ATM-ve ose degës më të afërt të BKT-së pa nevojë për të hyrë në sistem. Shërbimet ofrohen në dy gjuhë, shqip dhe anglisht. Përmes BKT Mobile, mund të informoheni për llogaritë tuaja, kartat e kreditit ose depozitat tuaja. Mund të bëni pagesa të kartave të kreditit, faturave dhe rimbushjeve elektronike, të transferoni para midis llogarive tuaja, drejt llogarive brenda BKT dhe drejt bankave të tjera të nivelit të dytë që operojnë në Kosovë, si dhe drejt llogarive në BKT Shqipëri. Mund të hapni llogari të reja dhe të kryeni këmbime valutore.